CAGAYAN DE ORO CITY – Misaka na sa 74 ka nagkadaiyang personalidad ang nakasuhan pagsupak sa election gun ban ug paghupot sa illegal nga armas epekto sa hugot nga kampanya sa gobierno batok mga armas sa Northern Mindanao.
Kini subay sa gilugwa nga impormasyon sa Police Regional Office 10 sukad tahasi sa Commission on Elections alang sa pagpatunhay sa kahusay’g kalinaw sa May 12 nga eleksyon.
Gibutyag ni PRO 10 spokesperson Major Joann Navarro nga anaa usab sa 64 ka armas ang nakompiskar sa maong mga dinakpan ug sobra gatos nga klase-klaseng mga bala.
Siya miingon nga nagkahugot ang ilang gipatuman nga seguridad nunot sa pagsugod na sa kampanya sa local candidates sa rehiyon.
Hisayrang gisaka sa taas nga alerto ang seguridad sa rehiyon epekto sa pagligid na sa campaign period sa mga kandidatong-lokal sa lima ka probinsya sa NorMin.
