CAGAYAN DE ORO CITY-Gibalikan na ni Pres Rodrigo Duterte ang mga sundalo nga samaron nga nadala sa Camp Evangelista Station Hospital sulod sa 4th ID,Philippine Army Headquarters ning syudad.
Kini aron personal nga pasalamatan sa ilang pagbuhis kinabuhi masanta lamang ang pagpanghasi sa mga teroristang Maute-ISIS sa Marawi City.
Gani,gitagsa-tagsa niya’g hatag sa Order of Lapu-Lapu Rank of Kampilan medal award ang mga 76 ka sundalo ug gitunulan sa armas,celphone ug uban pa.
Hisayrang ikapila na kining higayon nga nagduaw ang presidente sa mga sundalo nga nakabase sa Camp Evangelista ning syudad.
