CAGAYAN DE ORO CITY- Misaka pa sa 76 ka tawo ang namatay gikan sa kapi’g 19-mil ka suspected dengue cases nga natala sa Dept of Health o DoH-10 gikan sa lima ka probinsya ning rehiyon.
Kini bisan sa kusganong kampanya sa ‘4 o’clock habit’ ang kampanya sa matag-local govt unit mabatukan lamang ang mga lamok nga nagdala sa dengue virus.
Hinoon,gibutyag ni DoH registered medical technologist Gemmay Uy nga dili dako ang pagsaka sa ihap sa natakbuyan diin nagpasabot nga mi-epekto na ang paningkamot sa publiko.
Una nang ubos sa dengue national outbreak ang nasud diin usa niini ang Northern Mindanao nga nagbaton sa taas nga ihap sa maong kaso.
