CAGAYAN DE ORO CITY – Nadakpan sa kapolisan ang 28-anyos nga lalaki kinsa nasapon nga nag-masturbate sulod sa usa ka internet cafe diha sa Cogon market ning syudad.
Giila ni Police Capt. Tessie Lleva, hepe sa Cogon Police Station ang suspek nga si Danilo Igpalina, 28-anyos, striker sa Aviation Security Group-10 ug residente sa Laguindingan,Misamis Oriental.
Si Lleva miingon nga ilang gidakop ang suspek tungod sa reklamo sa 8-anyos nga babayeng menor de edad nga iyang nakita nga nag-masturbate kini abay sa biktima.
Na-trauma ang batang Maranao-Muslim dihang miabot sa iyang sinina ang semilya sa suspek.
Mag-atubang sa kasong “acts of lasciviousness” in relation to RA 7610.
Samtang, gipanghimakak sa suspek nga si Danilo Igpalina ang akusasyon nga nag-masturbate siya sa kilid nga bahin sa 8-anyos nga batang Maranao-Muslim diha sa Cogon ning syudad.
Gipamugos sa suspek nga igo lang siya naglantaw sa gihimo sa biktima nga nagdula sa computer sulod sa internet cafe.
Siya miingon nga nakaabot siya sa Cagayan de Oro aron molantaw sa konsyerto sa iyang idolo nga si Coco Martin.
Dugang pa niini nga wala siya’y intensyon nga magbinastos atubangan sa menor de edad.
Gani, nakurat na lamang siya dihang giharangan siya sa mga grupo sa kalalakin-an.
