Napuno sa bun‑og ang drayber sa usa ka patag liner jeep human kini mabangga sa usa ka 8‑anyos nga batang babaye sa Yacapin‑Capt. Vicente Roa Avenue ning syudad kagahapong adlawa.
Sumala ni Bonoda President Emmanuel Espinosa, usa sa ilang mga kaubanan ang suspetsado nga gikatahong giatrasan pa gyud ang biktima human kini mabanggaan, nga miresulta sa grabe nga kadaot sa ulo.
Tungod sa kapungot ug kasuko, gipanghimungtan ug gipangguba sa kabanay sa biktima ang maong jeep samtang gipakulata usab ang suspetsado.
Paspas nga nakaresponde ang kapulisan aron makustodiya ang drayber alang sa iyang kaluwasan ug aron atubangon ang imbestigasyon.
Sa pagkakaron, anaa sa Police Station 2 Cogon ang suspetsado ug giandam ang tukmang kaso nga ipasaka batok kaniya.
Samtang gihulatan ang bahin sa drayber, giingon nga dalhon ang lawas sa batang babaye sa Marawi alang sa iyang katapusang pagpahulay isip usa ka Maranao.
