CAGAYAN DE ORO CITY-Gihimugso ang walo ka bata isip Christmas baby boys pipila ka minutos gikan sa pagsulod sa sumad sa kapaskuhan diha sa Northern Mindanao Medical Center ug J.R.Borja City Memorial Hospital ning syudad kaganihang kadlawon.
Gibutyag sa usa sa mga amahan nga si Eulive John Janubas nga takdo alas 12:05,himsog gihimugso sa iyang kapikas nga si Charlyn ang ilang anak nga gipanganla’g ”Charlie John”.
Gisaysay ni Janubas nga sakripisyo kaayo ang giagian sa kapikas niini tungod kay naghambin kini sa sakit samtang mihimugso sa ilang anak.
Nasayran nga ang magtiayong Janubas angh nagpuyo sa Brgy Lourdes,Alubijid,Misamis Oriental.
Una usab niini,may laing batang lalaki ang gihimugso sa NMCC samtang laing unom ang gikan sa J.R. Borja City Memorial Hospital ang gipatawo kaganihang kadlawon.
