CAGAYAN DE ORO CITY – Natugaw usab ang halos napulo ka pamilya sa ilang pagpaabot sa pagsugat sa bag-ong tuig dihang kalit miulbo ang dakong sunog sa Purok 2B.,Brgy Casinglot,Tagoloan,Misamis Oriental kagabii.
Kini human nahurot kaugdaw ang upat ka balay ug laing upat usab ang partially damage sa maong sunog.
Miingon si Bureau of Fire Protection-Tagoloan Station investigator FO2 Mark Quilab nga kamulo pa ang gihimong imbestigasyon kabahin sa tinubdan sa pag-ulbo sa kalayo.
Hinoon,walay mga residente o tagbalay nga nakalas o naangol sa hitabo.Mitala sa 450,000 pesos ang structural damage sa maong trahedya kagabii.
Samtang gilayon nang gihatagan sa pag-atiman ni Tagoloan Mayor Atty. Nadya Emano-Elipe ang panginahanglan sa mga biktima samtang pangitaan sa igong pondo aron makatukod balik sa ilang mga pinuy-anan.
