CAGAYAN DE ORO CITY – Nabawi sa 1st Special Forces Batallion sa 403rd IB,Philippine Army ang laing walo ka tag-as nga kalibre armas,tulo ka improvsed explosive devices ug mga tambal nga iya sa Sub-Regional Committee 4 sa rebeldeng New People’s Army o NPA sa Bukidnon.
Miingon si 403rd IB,Philippine Army commander Col Ferdinand Barandon nga kabahin sa nakuha sa iyang tropa ang tag-duha ka AK-47 ug baby armalite ingon man tag-usa ka M-14;M-16 ug M203n nga gikan sa grupo ni NPA Kumander Ating.
Gibutyag ni Barandon nga nagikan ang mga nilubong nga armas sa Malaybalay City, Baungon,Lantapan sa maong probinsya.
Sa miagi usab nga mga adlaw,nakuha sa militar ang laing walo ka tag-as nga armas ang nakalot nila nga gipanglubong sa NPA sa magkalahing lugar sa Talakag,Bukidnon
