CAGAYAN DE ORO CITY-Dad-on alang sa armadong pundok sa Marawi City ang kapin 8-mil ka rounds sa mga bala nga nabawi sa joint operation sa kapolisan diha sa Brgy Camaman-an sa syudad sa miaging semana.
Gibutyag ni Cagayan de Oro Police City Police Office spokesperson C/Insp Mardy Hortillosa II nga kabahin sa nabawi ang mga bala sa 5.56mm ug 30 kalibre nga armas.
Mi-angkon si Hortillosa nga gitagu-an una nila ang maong report tungod kay ila pang gigukod kon kinsa ang consignee sa maong kontrabando.
Samtang gipaubos na sa pag-imbestigar ang usa ka tawo nga gikonsiderar nga person of interest nga may kalabutan sa pagkabawi sa 8-mil ka rounds sa mga bala sa high powered firearms gikan sa forwarder nga diha sa Brgy Camaman-an sa syudad.
Gibutyag ni C/Insp Ariel Philip Pontillas,hepe sa City Intelligence Unit o CIU-COCPO nga tungod gihimo na usab nila ang case build-up aron ipasaka batok sa mga tawo nga nagpaluyo sa pagpalusot sa mga bala.
