CAGAYAN DE ORO CITY-Kasuhan sa kasupakan sa anti-illegal gambling law ang walo ka residente nga nasikop nga aktuwal naghangtak sa Zone 2,Brgy Sta Ana,Tagoloan,Misamis Oriental.
Mismo ang tropa ni Tagoloan Police Station commander C/Insp Albart Tare ang mi-ronda sa mga suspek diin nakuha ang 200 pesos nga bet money ug lapad nga bato isip ilang gigamit nga hantakan.
Kabahin sa mga dinakpan sila si Christian Jaysaguba;Ronald Aquiman;Babbie Umbayao;Jose Ampo;Leonito Nacar; Isidro Arambala; Romnick Ragandang ug Joseph Alferez, mga hingkod ang panuigon ug nagpuyo sa maong lugar.
Detinado sa mini-cell sa kapolisan ang mga suspek samtang gihulat ang pagduso’g kaso batok kanila sa piskalya ning syudad karong adlawa.
