CAGAYAN DE ORO CITY – Misaka pa sa walo ka sakop sa rebeldeng New People’s Army o NPA ang mitahan sa Cagayan de Oro City Police Office o COCPO sulod lamang sa Pebrero hangtod ning bulana sa dakbayan.
Kini human laing tulo ka aktibong sakop sa NPA rebels ang nakumbensir sa tropa ni City Mobile Force Company commander Lt Col Alfredo Ortiz Jr ang mobalik sa sabakan sa gobierno kagahapong adlawa.
Namahayag si Ortiz nga nagsumikad ang maong grupo sa mga bukirang sakop sa Talaka,Bukidnon,Iligan City ug Lanao del Sur.
Bitbit sa mga rebelde sa ilang pagtahan ang mga armas nga Uzi,shotgun,38 nga kalibre ug mga bala niini.
Hisayrang una nang nanawagan si Pres Rodrigo Duterte nga motahan na sa gobierno ang mga rebelde aron makabalik nga manginabuhing normal nga kakuyog ang ilang pamilya.
