Walo ka miyembro sa usa ka pamilya ang namatay ug usa ang nasamdan human nagkaguho ang atop sa ilang balay sa Parwan province tungod sa kusog nga ulan.
Nahitabo ang trahedya sa Syagird district sayo sa buntag Sabado, segun sa provincial police spokesman Fazal Rahim Muskinyar.
Sa Kabul, usa ka parehas nga insidente sa Bagrami area miresulta usab sa pagkamatay sa walo ka pamilya ug usa ka bata ang nasamdan.
Sa miaging duha ka semana, ang mga insidente nga may kalabotan sa ulan sama sa flash floods ug pagkaguho sa balay nakapatay na sa 148 ka tawo.
Labaw pa sa 200 ang nasamdan sa tibuok Afghanistan tungod sa kalamidad.
Ang mga otoridad nagpahimangno sa katawhan nga magmatngon sa padayon nga peligro sa ulan ug pagbaha.
