CAGAYAN DE ORO CITY – Gisalikway na sa Bureau of Fire Protection -Cagayan de Oro District ang anggulo nga tinuyo ang magkalahing pagkasunog sa pipila ka balay sa Zone 8-A,Brgy Cugman ug Osmeña Street, Brgy 34 diin mikalas sa ubay-ubay’ng kinabuhi sa mga residente.
Kini human unang nalukong-patay sa sunog ang 7 anyos nga bata nga si Melan Emmanuel Sacala Sabit,taga-Brgy Cugman ug ang magtiayong Subteniente kuyog sa ilang gamay pang anak ug laing duha ka magsoong pag-umangkon sa Brgy 34 sa syudad.
Miingon si BFP-CdeO operations chief Fire Insp Sam Velarde nga gawas lang sa sunog sa Brgy 14 nga gi-imbestigaran pa,natumbok sa ilang mga imbestigador nga accidental fire tungod sa depektosong linya sa koryente ang rason sa sunog sa Brgy Cugman ug Brgy 34.
Hisayrang sulod lang ning bulana,walo ka kinabuhi ang namatay sa sunog nga naglakip sa magtiayong Galpo gikan sa Brgy 14.
