CAGAYAN DE ORO CITY-Gipahimutang sa brgy covered court ang ubay-ubay’ng pamilya nga kabahin sa apektado sa sunog sa Valenzuela Road,San Isidro,Agora,Brgy Lapasan sa syudad.
Kini human nahurot kaugdaw ang mga balay nga gisak-an sa mga biktima sa maong lugar.
Miingon si Bureau of Fire Protection District Fire Marshall Supt Richard Arbutante nga nagsumikad ang sunog sa kan-anan nga gidumala ni Diri-on Suhayli diin paspas usab mikaylap sa tupad nga kabalayan niini.
Naangol sa maong sunog ang usa ka Joel Bacala dihang mitabang sa pagluwas sa mga residente sa maong sunog.
Gitumbok ni Arbutante nga gidudahan nila nga ang depektoso nga linya sa koryente ang hinungdan sa maong sunog.
Gibana-bana nga anaa sa gatus-mil pesos ang damyos sa sunog sa maong lugar kagahapon sa hapon.Apektado ang kapi’g 20 ka pamilya o 80 ka indibidwal gumikan sa maong sunog.
