Gipangulohan ni President Ferdinand Marcos Jr. ang pagbukas sa $80 milyon nga UPS Clark International Air Hub sa Clark International Airport sa Pampanga nga gilauman nga mupadali sa paghatud sa mga kargamento o logistics aron mapalig-on ang global trade connections sa Pilipinas.
Subay sa iyang public speech, iyang gipasigarbo ang pasilidad nga makaproseso sa mukabat 46,000 ka packages matag adlaw ug makahatag sa dugang trabaho sa Central Luzon.
Giingon usab ni UPS Asia Pacific President Bernard Jiang ug EVP Wilfredo Ramos nga ang hub adunay automated sorting system ug temperature-controlled areas aron suportahan ang healthcare ug pharmaceutical shipments.
Una niini, ang Bases Conversion and Development Authority (BCDA) ug Clark Development Corporation (CDC) nagpasalig nga ang proyekto maghatag og dugang oportunidad sa negosyo ug trabaho sa rehiyon.
Kini nga pasilidad gikonsiderar nga dakung kalampusan sa logistics network sa nasud nga makatabang sa pagkunhod sa gasto sa pagbalhin sa mga produkto nga kasamtangan naglangkob sa 27% sa kinitaan, ug usa sa pinakataas sa Southeast Asia
