CAGAYAN DE ORO CITY – Luwas nang nakauli ang mga pamilya nga unang bolunaryong nanghikling sa mas luwas nga mga lugar gikan sa tulo ka lungsod sa Misamis Oriental.
Kini may kalabutan sa paghapak sa walay hunong nga pagbundak sa ulan nga nag-resulta sa pag-awas sa tubig-baha sa mga sapa nga nakabase sa lungsod sa Balingasag,Jasaan ug Lagonglong nga pulos nakabase sa unang distrito sa lalawigan.
Gibutyag ni Office of the Civil Defense 10 regional director Antonio Sugarol nga unang mihikling ang 852 ka pamilya o 3-mil 530 ka residente aron makalikay sa pag-awas sa tubig-baha sa mga sapa diin nasudlan ang ilang mga kabalayan.
Sumala ni Sugarol nga bisan gamay lang ang mga balay nga nangaguba ug nangasudlan sa tubig-baha apan nasubo sila kay adunay residenteng lalaki nga nakutlua’g kinabuhi kay pugsanong mitabok sa spillway rason nga naanod ug nalumos.
Sa kasamtangangan,anaa na lang sa 15 ka pamilya ang nagpabiling sa evacuation center kay dili pa mabalika’g puyo ang ilang mga balay epekto sa baha nga dala sa hanging Habagat nga naka-apekto sa Northern Mindanao sukad pa sa miaging Agosto ning tuiga.
