CAGAYAN DE ORO CITY-Dako ang kalipay sa 81-anyos nga lolo dihang nakaapas siya sa katapusang adlaw sa pagpangdawat sa entries alang sa Bombo Music Festival 2020 ning sibyahan.
Wala mahimong babag kang Nerio Esperito Babanto ang pagtabok sa dagat gikan Mahinog Camiguin aron lamang makaabot sa Bombo Radyo ug mapasa ang iyang gi compose nga kanta.
Mibati pa sa kabalaka si Babanto nga basin dili na makaapas sa deadline apan mapasalamaton kay nalakip siya sa ika-42 ka entrante nga pilian aron magsilbing pambato sa Bombo Radyo Cagayan de Oro.
Himoon ang presentasyon sa mapili nga top 12 finalists sa Iloilo City sa Enero 11, 2020.
