CAGAYAN DE ORO CITY-Nagsaka sa 81 ka babaye ang biktima sa pagpanglugos diin 61 kanila ang mga menor de edad sa dakbayan.Kini subay sa data nga gilugwa sa matag-kuwerpo sa kapolisan sugod Enero hangtod Setyembre ning tuiga.
Gibutyag ni Cagayan de Oro City Police Office spokesperson Supt Mardi Hortillosa nga maoy labing daghan nga natala nga kaso ang bulan sa Abril diin 3 anyos nga babaye ang pinakabata ang biktima sa pagpanglugos.
Dugang ni Hortillosa nga sagad natigayon ang mga kaso sa pagpanglugos sulod sa balay sa Brgy Carmen,Bulua ug Lumbia ning dakbayan.
Miingon si Hortillosa nga maglisod sila’g sumpo sa maong mga kaso ilabina kon mahitabo kini sulod mismo sa pinuy-anan ug dili sa pampublikong lugar.
