CAGAYAN DE ORO CITY-Gikasuhan ang 86 ka tawo nga nasikop tungod sa pagsupak sa ordinansa nga nagdili pag-inom sa mga pampublikong lugar sa syudad sa dis-oras sa kagabhion.
Kini human unang mihimo’g operasyon batok tambay ang 10 ka police stations hinungdan nga nasikop ang anaa sa 91 ka tawo.
Miingon si Supt Mardi Hortillosa,tigpamaba sa Cagayan de Oro City Police Office nga lima lamang sa 91 ka dinakpan ang gibuhian human nahataga’g higayon nga magbag-o.
Dugang ni Hortillosa nga gihulat nila molugwa ang commitment order sa korte aron isaka sa city jail ang mga suspek nga nakasupak sa city ordinance 5133-95 sa syudad.
