CAGAYAN DE ORO CITY – Detinado na sa kapolisan ang 17 anyos nga batan-ong lalaki nga suspek sa pagpatay sa 87 anyos nga lolo diha sa Zone 2,Upper Baikingon ning syudad.
Giila ni Baikingon Brgy Kap Nathan Yañez ang biktima nga si Artemio de la Salde,minyo ug residente sa maong lugar.
Nasuta nga nagbaton sa bun-og nga gitoohang gibunalan sa gahi nga butang ang ulo ug lawas sa biktima hinungdan sa kamatayon niinii.
Gitoohan sa kapolisan nga tulis ang motibo sa kamatayon sa biktima ka giingong nawala ang 10-mil pesos nga salapi sa biktima.
Nagtoo usab ang kapolisan nga dili lamang usa ka suspek ang mihim sa pagpatay sa biktima nga kagahapong adlawa.
