CAGAYAN DE ORO CITY – Nagkahugot pa ang gipatuman nga kahugot sa seguridad sa Police Regional Office 10 haom sa gi-implementar nga Commission on Elections o Comelec resolution no. 10918 sa election period sa Northern Mindanao.
Kini subay sa kamanduan ni PRO 10 regional director Brig Gen Jaysen De Guzman nga istriktong ipatuman ang gun ban batok sa mga tawo nga nangahas pagdala’g mga armas nga peligro gamiton sa kreminalidad alayon sa May 12 elections.
Miingon si PRO 10 spokesperson Major Joann Navarro nga sukad ang pagpatuman sa gun ban sa rehiyon,anaa na sa 87 ka tawo ang nadakpan nga naglakip sa duha ka pulis,sundalo ug taga-Bureau of Customs.
Siya miingon nga nakuha sa operating units ang 81 ka klase-klaseng armas nga nagbaton sa 703 ka nagkalain-laing bala.
Una nang gibutyag ni De Guzman nga walay hunong ang maong kampanya hangtod nga matibawas ang eleksyon nga naglakip sa deklarasyon ug pagpanumpa sa mga nangdaug nga mga kandidato.
