Gipahibalo ni Associate Justice Amy Lazaro-Javier nga sa kapin 13,000 ka mga Bar examinees karong tuiga, 11,437 ang aktwal nga mitake sa unang adlaw sa Bar Exams, nga nagpasabot nga halos 87% sa mga kwalipikado ang mitunga.
Kini nga datos nagpakita sa dako nga partisipasyon sa mga aspiring lawyers, lakip na ang mga first-time takers, repeaters, ug mga examinees nga adunay espesyal nga kahimtang sama sa senior citizens, PWDs, ug buntis.
Ang Bar Exams sa 2025 himoon sa tulo ka adlaw: Setyembre 7 (Domingo) alang sa Political ug Public International Law sa buntag ug Mercantile ug Taxation Laws sa hapon; Setyembre 10 (Miyerkules) para sa Civil Law sa buntag ug Labor Law ug Social Legislation sa hapon; ug Setyembre 14 (Domingo) para sa Criminal Law sa buntag ug Remedial Law, Legal Ethics, ug Legal Forms sa hapon. Kini nga iskedyul naglangkob sa unom ka core subjects nga gi-assess pinaagi sa essay-type nga mga pangutana.
