CAGAYAN DE ORO CITY – Dili binuhatan sa militar ang pagpatay sa mga sibilyan sukwahi sa gi-akusar sa grupong Movement Against Tyranny ug KASILO-Bukidnon Chapter.
Kini human direktang gidudahan sa maong mga grupo ang 88th IB, Philippine Army nga utok sa pagpatay sa biktima nga si Nedis Bacong nga nagpuyo sa maong lugar.
Namahayag si 88IB, Philippine Army commander Lt. Col. Franklin Fabic nga walay ebidensiya nga gihuptan ang maong pasangil hinungdan nga wala kanila ang tahas aron mohimo’g imbestigasyon.
