Patay ang siyam ka militante sa al-Shabaab atol sa koordinadong operasyon sa Somali security forces uban sa suporta sa internasyonal nga mga kauban.
Ang operasyon gihimo sa lungsod sa Kunyo Barrow ug sa Tugarey area sa Lower Shabelle region.
Namahayag ang National Intelligence and Security Agency (NISA) nga human sa opensiba narekober nila ang unom ka guba nga generator nga gigamit sa mga militante sa paghimo sa mga mina ug eksplosibo.
Sa unang operasyon sa Kunyo Barrow nakapatay ang mga sundalo sa unom ka terorista ug nakaplagan ang dakong pasilidad sa paghimo og mga mina.
Sa Tugarey area, tulo pa ka terorista nga nagtago sa lasang ang nakalas sa laing operasyon.
Hisayran nga bisan pa nga napahawa sa Mogadishu ang grupo niadtong 2011, nagpadayon gihapon sila sa mga ambush ug pagpamutang og landmine sa kabaryohan.
