CAGAYAN DE ORO CITY- Nakaangkon sa pagkaguba ang pipila ka bahin sa munisipyo sa Wa-o,Lanao del Sur ug Pangantucan,Bukidnon.
Kini human miigo ang magnitude 4.3 ug 5.3 magnitude nga linog sa maong mga lugar kagahapon sa kadlawon.
Gibutyag ni Francis Garcia,officer sa Wao Disaster Risk Reduction and Managment Council nga nahulog ang mga kisame sa ilang district hospital hinungdan pagbakwit sa mga pasyente.
Naliki usab ang sliding door sa ilang municipal building ingon man apektado ang pipila ka pinuy-anan sa mga residente.
Nasuta usab nga samaron ang unom ka tawo tungod sa pagkaguba sa 400 ka pinuy-anan gumikan sa maong linog.
Una usab niini,gibutyag ni PNP regional spokesperson Supt Lemuel Gonda nga may tulo ka tawo naangol samtang 39 ka balay ang totally damage sa 5.3 nga linog sa lungsod sa Kalilangan,Bukidnon kagahapon sa kadlawon.
Hisayrang ang maong mga lugar sa Bukidnon ug Lanao del Sur ang kanhi na usab naigo sa linog sa miaging Abril ning tuiga diin daghang residente ang angol ug daghang kabtangan ang nanguba.
