Siyam ka mga batan-ong boksidor sa RISE CDO Amateur Boxing Team ang mopakitang gilas sa ilang mga abilidad sa natad sa dulang boksing atol sa ilang pagsalmot sa Sandugo sa Bohol Amateur Boxing Championship sugod Hulyo 16 hangtud 20 sa Jagna Cultural Center sa Jagna, Bohol.
Ang siyam ka mga boksidor nga modala sa ngalan ug dungog sa dakbayan mao sila si Airon Badiang (45 kgs), Jobert Abragan (48 kgs), Gabriel Caranay (50 kgs), Albert Barsabal (52 kgs), Matt Padegus (54 kgs), Ivan Llaban (48 kgs), Christian Jake Pores (51 kgs), Carjay Emata (57 kgs) ug Riener Abaracin (54 kgs).
Mapasalamaton si RISE CDO Amateur Boxing Team head coach Elmer Pamisa sa makanunayong suporta sa administrasyon ni Mayor Klarex Uy pinaagi sa City Sports Development Office, ubos ni Allby Chris ‘Bheng’ Waga, ilabina sa partisipasyon sa boxing team sa syudad sa nagkadaiyang local, national ug international boxing competitions.
