Mag “New Year” sulod sa prisohan ang siyam ka suspek nga gitoohang illegal miners, human sila nasanta sa checkpoint operaion sa Brgy. Limonda, Opol, Misamis Oriental.
Narekober sa mga dinakpan ang kapin P300,000 ang kantidad sa ilegal nga minerales.
Ang mga sakop sa RMFB10 ug PMFC Misamis Oriental nakapahunong sa duha ka pickup trucks nga nagdala sa mga minerales padulong Davao del Sur.
Subay sa inspeksyon, wala makapakita sa permit ang mga sakay hinungdan nga gihiling sa kapulisan.
Lakip sa nadakpan ang duha ka aktibong miyembro sa AFP ug uban pang mga drayber ug pasahero.
Nakumpiska usab ang 60 ka sako sa unprocessed minerals, duha ka pickup trucks, duha ka Glock pistols ug 26 ka bala.
Ang mga suspek ug ebidensya karon anaa sa kustodiya sa Opol Police Station ug giandam ang kaso ilawom sa RA 7942 o Philippine Mining Act of 1995.
