CAGAYAN DE ORO CITY – Gipanganti ni Mindanao International Container Terminal o MICT customs collector John Simon nga dili nila ihatag sa Holcim Philippines Incorporated ang siyam ka container van sa basura nga naggikan sa Australia.
Kini bisan nga gipamugos sa kompaniya nga dili delikado sa panglawas sa mga residente ang mga basura ug ila lamang kining gamiton nga pangsunog sa paghimo’g mga semento sa ilang cement factories sa Mindanao.
Si Simon miingon nga ila lamang ihatag ang mga basura kon ugaling masulbad na ang problema.
Gipamugos niini nga dakong kasupakan sa customs laws ang gihimo sa Holcim tungod sa misdeclaration ug misclasiffication sa 211-mil 140 ka kilo nga basura gipalusot sa MCT sa Tagoloan, Misamis Oriental niadtong Mayo 7 ning tuiga.
