CAGAYAN DE ORO CITY – Nakasuhan na sa kasupakan sa Repubic Act 10654 ang siyam ka tawo nga nasikop sa illegal fishing sa kadagatan sa Magsaysay,Misamis Oriental.
Giila ni Maj Jupiter James Bandrang,hepe sa Magsaysay Police Station ang mga suspek nga sila Elger Tilan Monita, Saloemar Ido Payot, Aquino Endico Debajo,Dino Deligero,Alpedro Deligero Castrodes, Edmond Debajos Rabanes,Aldin Felesco Sabandal, Christopher Labadan Junio ug Roy Bosbos Estemera pulos hingkod mga pangidaron ug naggikan sa Caraga region.
Dugang ni Bandrang nga dugay na nila namonitor ang ilegal nga binuhatan sa mga suspek sa ilang lugar apan naglisod sila sa pagsanta tungod sa kakulang sa gamit.
Narekober sa posisyon sa mga suspek ang bangka, duha ka generator, pukot ug 400 kilos nga isdang tamban tungod sa pagtinabangay sa katawhan ug gobierno sa maong lungsod.
