CAGAYAN DE ORO CITY – Natugaw ang mga klase sa mga tunghaang elementarya gikan sa siyam ka lungsod sa Misamis Oriental. Kompirmasyon kini ni Misamis Oriental Provincial Disaster Risk Reduction Management Office head Fernando ‘Sotsot’ Dy Jr kabahin sa maong ngil-ad nga kahimtang sa panahon.
Siya miingon nga kabahin sa naapektuhan sa pag-ulan nga nag-resulta sa pagbaha ang kalungsuran sa Lugait, Manticao, Naawan,Initao,Salay, Binuangan,Sugbongcogon,Kinoguitan,Balingoan ug Talisayan kagahapong adlawa.
Miingon si Dy nga ang maong mga lungsod ang temporaryong mihunong sa pagklase subay rekomendasyon sa Department of Education-Misamis Oriental particular sa mga kadagkuan sa wala na panganling mga tunghaan.
Hinoon,walay nataho nga nangbakwit nga mga pamilya epekto sa pagbaha.
Una nang nataho ni Sugbongcogon Mayor Danilo Lagbas Jr nga adunay unom ka balay nga nasudlan sa tubig-baha apan nakabalik ra ang mga mismong mga tagbalay niini.
Hinoon sa pagkutlo ning balita, balik na sa normal ang kahimtang sa panahon sa lalawigan.
