CAGAYAN DE ORO CITY-Gi-monitor sa kapolisan ang mga kalihukan sa libuang bakwit nga apektado sa Marawi City nga nahimutang sa siyam ka lungsod sa Misamis Oriental.
Kini sa pagsiguro nga dili masudlan sa sakay sa panahon ang lalawigan sama sa suporter sa grupong Maute nga naipit na sa engkuwentro sa Marawi City.
Gibutyag ni C/Insp Esperejune Viado sa intelligence unit sa Misamis Oriental Provincial Police Office nga tuyo niini nga dili maapektuhan ang malinawon nga seguridad sa lalawigan.
Una nang gipaubos sa bio-profiling ang libuang mga bakwit gikan Marawi City isip kabahin sa security procedure nga gipatuman sa mga otoridad sa probinsya.
