CAGAYAN DE ORO CITY – Mitahan sa militar ang anaa sa siyam ka ‘hard core members sa CPP-NPA-NDF diha sa headquarters sa 58th IB,Philippine Army,Brgy Poblacion,Claveria,Misamis Oriental.
Miingon si 58th IB commander Lt Col Ricky Canatoy nga ang nakahukom pagtahan ang maong mga rebelde tungod sa pagkadismaya sa mga saad sa mga komunista nga hatagan sila sa haruhay apan grabeng kalisod ug kagutom ang nasinatian niini sa bukid.
Gibutyag sa opisyal nga gitahan usab sa maong mga rebelde ang napulo ka armas nga gilakipan sa walo ka AK-47 ug duha ka M-16 rifles.
Mismo si 4th ID commander Brig Gen Romeo Brawner Jr ang midawat sa maong mga rebelde sa simple nga seremonya sa maong lungsod kagahapon sa buntag.
Isulod usab sila sa E-CLIP sa gobierno aron makasugod na sa bag-ong kinabuhi kuyog ang ilang mga pamilya.
