CAGAYAN DE ORO CITY – Nakasinati na sa hilanat ang pipila ka residente diin naggikan ang patient 6783 nga namatay tungod sa coronavirus disease diha sa Sitio Pinikitan,Brgy Camaman-an ning syudad.
Kini human gilusad sa City Health Office o CHO ang subsob nga house to house visit sa mga residente nga gipuy-an sa 69 anyos nga biktima.
Miingon si CHO epedemiologist Dr Joselito Retuya nga anaa sa 680 ka pamilya ang napaubos nila sa survielance diin naggikan ang siyam ka indibidwal nga mibati’g hilanat.
Apan giklaro ni Retuya nga walay bug-at nga ilhanan nga maong mga residente ang dunay gihambing nga sintomas sa COVID-19.
