CAGAYAN DE ORO CITY – Mag-atubang sa kasong reckless imprudence resulting in multiple physical injuries ug damage to properties ang driver sa Pabama bus nga nawad-a’g kontrol samtang nagsubay sa Sayre Highway,Brgy Maloko,Manolo Fortich,Bukidnon.
Giila ang driver sa bus nga si Warlito Araneta gikan naggikan pa sa Cagayan de Oro City ug padulong unta sa lungsod sa Kibawe aron ihatod ang mga pasahero niini sa dihang natigayon ang aksidente.
Gibutyag ni Police Maj. Jiselle Longgakit,tigpamaba sa Bukidnon Provinicial Police Office nga wala mohawid ang preno sa bus tungod sa kadanglog sa kalsada epekto sa ulan-ulan sa lugar kagahapon sa udto.
Kini ang hinungdan nga gidasmagan sa bus ang Toyota Vios nga gimaneho ni Aldren de Los Santos;nagsungag ang Hi-Ace passenger van nga gi-drayban usab ni Charliemaigne Poquila ug Suzuki nga gipadagan ni Rolando Cagalawan.
Hinoon,walay mga samaron sa mga pasahero sa bus apan naggikan sa van ug suzuki ang siyam ka sakay ang naangol diin nadala sa ospital sa Bukidnon ug dinhi sa dakbayan.
