Nagpadala na ang Pilipinas sa 90-member humanitarian contingent sa Myanmar aron mutabang sa ilusad nga rescue ug relief operations, dihang gitay-og sa makalilisang nga 7.7-magnitude nga linog niadtong Marso 28.
Namahayag si 1st LT Alexic Nocos, Team Leader sa 525th Combat Engineer Battalion sa Philippine Contingent nga ang ilang team gilangkoban sa mga eksperto gikan sa lain-laing ahensya sa gobyerno ug pribadong sektor, lakip na ang mga miyembro sa Philippine Army, Philippine Air Force, Bureau of Fire Protection, ug Department of Health.
Ang ilang deployment sa Myanmar maoy inisyatibo sa Office of Civil Defense, aron tubagon ang panawagan sa naglisud nga nasud kalabot sa ilang gipanginahanglan nga international aid ug support.
Gipamatud-an usab sa Pilipinas nga kanunay kining mutabang sa silingang mga nasud sa Asya.
Una niini, gikompirmar ni Malacanang Press Officer Atty Claire Castro nga mismo si Presidente Ferdinand Marcos Jr ang nagmando nga magpadala sa Philipine Contigent sa Myanmar tungod sa kalapad sa damyos nga nahiaguman sa maong nasud.
