Luwas ug kompleto ang tanang 901 ka sakop sa Police Regional Office 10 o PRO-10 nga gipadala didto sa BARMM alang sa gipahigayong Parliamentary Elections.
Sumala ni Police Major Joann Navarro, tigpamaba sa PRO-10, walay natala nga bisan unsang dili maayong insidente nga gikalambigitan sa ilang mga tropa sa wala pa, atol, ug human sa maong piniliay.
Gipaabot usab sa buhatan nga sa pinakadali nga panahon makabalik ra dayon sa ilang mga tagsa-tagsa ka assignment ang maong mga pulis sa higayon nga moabot ang direktiba gikan sa ilang heneral ug sa PRO-BAR.
Dugang pa ni Navarro, makadawat og mga pasidungog ang maong mga personahe isip pag-ila sa ilang gipakitang sakripisyo ug pagbiya sa ilang pamilya aron lang maseguro ang kalinaw sa piniliay sa BARMM.
