Dul-an sa 2,550 ka mga pulis ang gipakatap sa Police Regional Office 10 o PRO10 ilalom sa Oplan Balik-Eskwela nga gipaluyohan sa Patrulya ng Higalang Pulis Program aron masiguro ang kahapsay sa tibuok rehiyon karong tuiga.
Gipadayag sa Regional Director sa PRO10 nga si PBGEN Christopher N Abrahano nga gihimo kini aron palig-onon ang presensya sa kapulisan sa nagkalain-laing tunghaan sa rehiyon subay usab sa pag-abli sa school year 2026-2027.
Samtang gihimong sumbanan ang nahitabong insidente sa Tacloban City, nagpahigayon sab og aktibong koordinasyon ang ilang buhatan uban sa Department of Education region 10 aron ipatuman ang active shooter simulation exercises.
Busa gikumpirma ni Abrahano nga mokabat na sa 94 ka mga eskwelahan sa Northern Mindanao ang nakatapos sa maong mga ehersisyo aron mapalambo ang insaktong pagpangandam ug dinaliang tubag sa emerhensya.
