Misaka pa sa dul-an libo ang kaso sa gitoohang tipdas sa Bangladesh.
Tolo ang dugang sa ihap sa mga namatay sulod sa 24 oras, sumala sa health authority.
Kini nagdala sa sumada sa suspected cases ngadto sa 5,792 ug death toll sa 94.
Ang Directorate General of Health Services (DGHS) nag-ingon nga ang tulo ka bag-ong pagkamatay natala tali sa alas 8 sa buntag Huwebes hangtod alas 8 sa buntag Biyernes.
Sa samang panahon, 947 ka pasyente nga adunay sintomas sama sa measles ang nadala sa ospital, diin 42 ang nakumpirma sa laboratory tests.
Base sa datos sa DGHS gikan Marso 15 hangtod Abril 3, adunay 771 ka kumpirmadong kaso ug siyam ka kumpirmadong pagkamatay.
Nagpabilin nga seryoso ang hulga sa measles outbreak sa nasud.
