CAGAYAN DE ORO CITY-Dismayado ang usa sa inahan sa sakop sa media nga lakip sa biktima sa nahitabong Maguindanao massacre nga mag-siyam na ka tuig ang nakalabay tungod sa pagka-idlas sa hustisya nga mahatag ngadto kanila.
Gibutyag sa inahan ni media practioner late Victor Nuñez nga si Cathy Nuñez nga moanha siya sa Press Freedom Monument aron sa pagdumdom sa ika-siyam ka tuig nga kasumaran sa ngil-ngig nga Maguindanao masaker niadtong Nob 23 ning tuiga.
Matud ni Nuñez nga ilang isinggit ang hustiya alang sa mga biktima nga gilakipan sa iyang anak.
Dugtong ni Nuñez nga nasakit siya tungod kay lisud kaayo mahatag ang hustisya sa sama nilang mga kabus.
