CAGAYAN DE ORO CITY-Gikasubo sa PNP-10 ang pagkalambigit ni Supt Maria Christina Nobleza nga giingong nakig-relasyon ug nakig-konsabo sa bandidong Abu Sayyaf nga dugay nang gitinguha sa gobierno nga mabungkag sa Mindanao.

Kini human mas gidapigan ni Nobleza ang mga bandido itandi sa tropa sa gobierno pinaagi sa pagpakig-relasyon sa ASG member Reiner Lou Dungon.

Si PNP regional spokesperson Supt Lemuel Gonda miingon nga dili sila makatugot nga may police official o miembro sa kapolisan sa rehiyon nga makig-konsabo sa mga terorista.

Hisayrang si Nobleza ang may pinuy-anan nga nakabase sa Malaybalay City,Bukidnon diin unang gi-ronda sa mga otoridad ug nakuhaa’g daghang sangkap paghimo’g bomba ingon man mga armas ug bala.