CAGAYAN DE ORO CITY-Gibaharan sa PNP-10 ang tanang pulis nga dili mohimo’g pag-abuso sa tawhanong katungod sa ilang mga dinakpan tungod sa kalapasan sa balaod.
Gihimo ni PNP regional spokesperson Supt Lemuel Gonda ang pahimangnon tungod sa pagbuto sa isyu sa secret jail sa Manila Police District Station 1 diin nadiskobre nga may gipriso nga 10 ka tawo nga walay gipang-atubang nga kaso sa korte.
Gipaniguro ni Gonda nga regular ang pag-inspeksyon sa Camp Alagar sa police stations aron pagsiguro nga dili makahuna-huna’g binuang ang pipila ka opisyal nga natahasan sa usa ka probinsya o syudad.
