CAGAYAN DE ORO CITY-Giangkon karon ni PNP regional director C/Supt Agripino Javier nga may mga gihimo sila nga counter-intelligence sa tanang pulis nga nakabase sa Nothern Mindanao.
Kini human nakuratan sila sa partisipasyon ni Police Supt Maria Christina Nobleza sa kalihukan sa bandidong Abu Sayyaf Group diin may pinuy-anan pa sa Malaybalay City,Bukidnon.
Sa pagkakaron,dili pa masulti ni Javier kon may mga pulis nga susama’g kalihukan kang Nobleza diin may relasyon pa sa ASG member nga si Reinerlou Dungon nga suspek sa duha ka pagpamomba sa syudad sa miaging katuigan.
