CAGAYAN DE ORO CITY-Wala wad-a sa PNP-10 nga bisan ang druglords naghatag suporta sa kalihukan sa bandidong Abu Sayyaf nga utok sa pagpamomba sa pipila ka bahin sa nasud.
Kini human nabawi sa police-army raiding teams ang drug matrix gikan sa pinuy-anan ni Police Supt Maria Christina Nobleza sa Malaybalay City,Bukidnon sa miaging semana.
Si PNP regional spokesperson Supt Lemuel Gonda miingon nga dili basta-basta malugwa ang usa ka drug matrix kay daghan ang agian nga proseso niini.
Makita sa giingong drug matrix ang mga ilado nga druglords nga naglakip kanila ni Peter Lim nga naglihok sa Luzon ingon man si alyas Jaguar nga suplier usab sa Visayas.
Si Nobleza nasikop kuyog sa iyang hinigugma nga si abu sayyaf bomb expert Reinerlou Dungon sa gihimo nila nga rescue operation sa Bohol.
