CAGAYAN DE ORO CITY-Disidido nga mosang-at sa kasong paglapas sa labor code sa Pilipinas ang 35 ka meter readers kuyog ang grupo ALU-TUCP batok CEPALCO.
Kini human pabiling nagdumili ang Cepalco nga himoong regular ang maong mga empelyado ubos sa CEPALCO Energy Services Corporation sa kompanya.
Matud ni ALU-TUCP Northern Mindanao Vice Pres Nicanor Borja nga inay mahatagan sa regularisasyon ang mga empleyado gilaraw pa karon sa CEPALCO nga ipangbalhin sa usa ka agency ang ilang mga empleyado ubos sa CESCO.
Una niini,gibasura sa maong mga empleyado ang tanyag sa Cepalco nga hatagan sila sa ilang separation fee.
Dumduman nga una nang mipasabot si CEPALCO Vice Pres Ralph Paguio nga dili mahitabo nga mahimong regular ang 35 ka meter readers tungod kay nagsumikad sila sa laing agency.
