CAGAYAN DE ORO CITY-Nasanta sa PNP-10 ang bisan unsa nga hadla sa pagsabotahe sa kahusay’g kalinaw atol sa gilusad nga adlaw sa mga mamumuo o Labor Day sa tibuok rehiyon kagahapong adlawa.
Kini human sila nabalaka nga sakyan sa mga terorista ang lihok-protesta sa mga progresibong pundok nga nagpadayag sa ilang pagka-dismaya sa mga saad nga gipasalig kaniadto ni Pres Rodrigo Duterte.
Si PNP regional spokesperson Supt Lemuel Gonda miingon nga libuang raliyesta lamang ang ilang nahatagan sa seguridad nga naghimo’g lihok-protesta dinhi sa syudad ug Iligan City kagahapong adlawa.
Hisayrang maoy tinguha pugngan sa PNP ug 4th ID,Philippine Army ang divertionary attacks sa mga teroristang Abu Sayyaf Group o ASG sanglit may mga pagtapuk-tapok sa mga tawo samtang gisaulog ang Labor Day dinhi sa rehiyon.
