CAGAYAN DE ORO CITY-Nasikop pinaagi sa warrant of arrest ang usa ka wanted person atol sa gilusad nga anti-illegal drug buy bust operation diha sa Brgy Carmen sa syudad.
Giila ni Carmen Police Station deputy commander Sr/Insp Mario Mantala Jr ang dinakpan nga si Arnold Ratunil kinsa may kasong pagpatay sa lungsod sa Opol,Misamis Oriental.
Si Mantala miingon nga duha ka kaso ang atubangon ni Ratunil kay nakuhaan usab kini’g sachets sa suspected shabu.
Una niini,giangkon ni Ratunil nga tinood nga napusilan-patay niini ang usa ka Tata Daing hinungdang gilayon kining mitahan sa kaugalingon dala ang kalibre 38 nga armas atol sa pagsikop kaniya ubos sa mando sa korte.
