CAGAYAN DE ORO CITY-Wala hatagi’g kumpiyansa ni PNP regional director C/Supt Agripino Javier ang seguridad sa rehiyon ilabina dinhi sa syudad batok sa mga bahad nga mohimo’g pagpamomba ang mga terorista.
Kini bisan pabiling negatibo sa presensiya sa bandidong Abu Sayyaf ug Maute Group ang rehiyon.
Si Javier miingon nga mismo si PNP chief Dir Gen Ronald de la Rosa ang nagmando kaniya nga susihon kanunay ang matag-police station kon unsa kaandam kon ugaling atakehon ang lugar diin siya na-destino.
Dugtong niini,gipalig-on karon sa kapolisan ang ilang intelligence information gathering aron batukan ang bahad sa terorismo diin katawhan ang mabutang sa peligro.
Gihimo kini sa kapolisan ilabina sa report nga may pundok sa mga terorista nga mosabwag sa kagubot sa syudad.
Si City Police Office spokesperson C/Insp Mardy Hortillosa II miingon nga dako’g papel nga mahatag ang sibilyan nga masanta ang maong bahad tungod sa pagpakabana sa katawhan kontra terorismo.
Nanganti ang kapolisan nga dili masubli ang pagpamomba sa abu sayaff sa syudad diin 8 ka tawo ang nakalas sa tuig 2012 ug 2013.
