CAGAYAN DE ORO CITY-Gilusad karon sa kapolisan ug militar ang paggukod batok sa tulo ka armadong kalalakihan nga responsable pagdagit sa negosyante sa Barangay Campung,Pantar,Lanao del Norte.
Giila ang biktima nga si Rakim Camama,minyo ug residente sa Sitio Basak,Barangay Mululut sa Marawi City,Lanao del Norte.
Matud ni PNP regional spokesperson Supt Lemuel Gonda nga gisuta pa nila kon unsa nga grupo sa mga suspek ang mihimo pagdagit kang Camama.
Nasiplatan ang presensiya ni Camama kuyog ang mga suspek sa lungsod sa Balo-i, Lanao del Norte.
Wala pa’y gibuhian nga pahayag ang mga suspek kon ilang ipalungkat sa dakong salapi ang biktima sa pamilya niini.
