CAGAYAN DE ORO CITY-Gikawat sa dili mominus 30 ka gitoohang sakop sa Front Committee 86 sa teroristang NPA ang 2 ka AK-47 rifles;M-16 rifle;3 ka shotguns,3 ka kalibre 38 nga armas sulod sa armory sa Dasia Security Agency sa Brgy Poblacion,Valencia City,Bukidnon kagabii.
Si PNP regional spokesperson Supt Lemuel Gonda miingon nga nagpatoo nga mga pulis ang mga rebelde bitbit ang peke nga search warrant hinungdan nga nasulod niini ang maong agency.
Gikuha usab sa mga rebelde ang 9mm pistol ni PO1 Emilio Traya nga ilang naharang sa road blockade.
Gilayong misibat ang mga suspek sakay sa nagkadaiyang sakyanan padulong sa wala matino nga direksyon.
Samtang dili lamang ang kapolisan ang gipadumduman apan lakip ang mga security agency nga dili mohatag kumpiyansa sa ilang mga lihok sa mga lugar diin kusog ang kalihukan sa rebeldeng NPA.
Kini human giatake sa dili mominus 30 ka NPA terrorists ang Dasia Security Agency diin nakuha ang daghang armas ug gihimo pang get away vehicles ang duha ka armored van niini.
Subli nagpasidaan si Gonda nga walay mga mahitabo nga inspection atol sa gabii gikan sa hingtungdang ahensiya busa dili angay magkumpiyansa.
