CAGAYAN DE ORO CITY-Gikasubo sa Armadong Kusog sa Nasud nga dugang 13 ka sakop sa Philippine Marines ang nakalas sa engkuwentro batok mga teroristang Maute sa Marawi City.
Kini human naigo ang maong mga sundalo sa Maute snipers nga naka-posisyon sa high grounds samtang ila unta luwason ang mga sibilyan nga nalukong sa engkuwentro.
Gibutyag ni Philippine Army 1st Infantry Division spokesperson Lt. Col. Jo-Ar Herrera nga kabahin sa napatay si Marine 1Lt Frederick Sabellano nga maoy nakadiskobre sa P97 milyon nga salapi ug tseke nga iya sa mga terorista sa miaging semana.
Gihulagway ni Herrera si Sabellano nga sobra ka kugi sa trabaho ug ehemplo nga pagka-opisyal sa sundalo sa nasud.
